Bèla
sta betulina vera?
Ma la gh’è no, incoo …
La sarà naia per i sò gabol… l’è verament pecaa perchè quando te spéciat
un scqaicoos e te riesciat mia a végal…
Come quando ai fiöö te gh’a portat via al gelato perchè n’nan mangiaa
tropp!
Propi inscì. Alora visct che gh’emm temp e l’è na giornada magnifica nemm
che ta fò vede verament un scquaicoss da speciàl.
Cosa cosa?
Paghum, saltum in machina e nemm
….
Indoa te se dre a na?
Somme dré a na in dal Mendrisiott indoa I nosctri amiis i disann “Nünn
da Lombardia” e i ciapann al pont da Melì come ramina vèrs al Nord. Némm
föra dopo a Mindriis e pö per Stabiu e dopo devumm di piü gnént parchè
nemm paar fiuu.
Paar fiuu?
Guarda con quèl tirant che jann mètuu dopo semm già rivaa. Gnanca un cuard
d’ora. Nünn invece che na al Fox Town némm a vedé mia “Le grandi firme”
nümm némm a vedé l’Elittronio.
L’Elittronio e cosa l’è l’Elittronio?
L’è ciar che tel trövat mia in piazza Molin Nööf.
Già li créssan domà I rémügnag …
Ah Ah. Mètumm la machina chi, fémm düü pass a pè, cinquanta metar da la
sctrada par veé un fiuu. Un fiuu che t’el trövat domà da nünn ed in un
para d’ altri part in dal mond. Pensa un pò ti.
Gaurdal chi. L’è quasi come un cilcamin …
Sa diis mia ciclamin sa diis pamporsin.
Va ben, sciur Lürà. Invece da vègh i föi scmagétaa come cöör jenn püsee
sul lungh, quasi güzz e al fiuu, t’el vedat chi, al gh’à i aar, mia i
petàli come la Becàne, voltaa anca luur indré, ma güzz.
Ma al gh’à mia da parfümm…
No senza profümm.
Bèlissim. Magnifich. Mai visct na roba simil, … e chi li cosa enn?
La pervinca, quela la l’è al anemone e quèll la ammò l’è al come la rösa
da Natal ma verda, la végn un pò dopo e al sa ciama elleboro luridus.
Parlat come un libar sctampaa. Ma a ti chi l’è che ta ja fai imparà scti
ropp?
Al mè zio, che l’eva sempro in giir con al dotoor dal Civic da cuii tempi…
Quèl che ta salva piü piü gnanca al Pedott?
Si propi quèll, con al Kaufmann e al Dübi…
Quèl di caga dübi?
Scémo … no: Dubì con l’acént in süla i. Adéss tornom indré. Acqua in bocca
…
Ma an catomm mia un cuai vünn?
Superprotetttissimo. Quando tornom a ca ta dò i foto inscì te gh’ai fé
védé ai tò.
Prima sa fermumm a bévann un ciàpp ai Cantinn, però.
Certo
E pö a cà. Pensa che figüra che farò davanti ai cuii stüpid da mè föö.
Jevànn in gamba fin quando jénn nai a scöla.
Püséé i sctüdiann püséé i diventàn sctupid …
Piantala con scta tiratera…
… sempro rasònn loor…
Ta disarò pö…
di Federico Pedotti
|