FANATIC:
Ambientalista balista tira la liscta tira al scpagh fala in di bragh!

Per fass di altri amiis.

Ambientaliscta. Noooo! Brüta parola come nüdiscta che però te podat ciamall biott come un vèrmann, comüniscta che ta podevat ciamaii ross marsc. L’è un poo come komeiniscta … ma alora ciamemai f a n a t ic! Fanatic. Ecco la parola giüscta …

… emm dii l’ültima volta che a parlavum dii …

Si … si da chi fanatic li, di veerd, da quii che resctann sempro brocc. Pori patann i marüdann mai

Che se i marüdan i diventan socialiscta…

Propi inscìì!

Te vedat mi ma da fasctidi …

Ta da fasctidi cosa? Propi a ti? A ti ta da fsctidi tütt …

Si ma da fasctidi al parlà da quii povrinn li!

Ma perchè porinn?

Ma da fasctidi a parlà da gent che vann in gir caminando in punta da pè, a boca vèrta, con i cavii che i parann nii da schiguètt con quii vindjake color trasü da ciocc … I scarp alt anca in Via Nàsa… I ta guardann mia, I donn I continuann a parlà …

Ma alora ti te vedatt domà tütt dal da föra. Al tò l’è mia un guardass dent …

Ma vedatt a cerchi, guardai anca da quèl punto li. Ma … ma tegni propi a parlà da loor dal da föra perchè dadent, credumm a mi …

Alora ho capii .. te scfondat na porta vèrta …

Ta disevi, dadént, l’è domà teoria

No. Alora mi a pensavi …

Vörat na pröva? Ciapann vün da quii li che ta guardan gnanca mai in facia quando parlann e mandando giò maar, tossic, ti … ti pröva a dagh rasonn

Alora te vedat che scopiöcc fann per di che si … Ma … Ma alora …. L’è propi mia insci… Perche chi e perchè la. No. No. gh’ett propi rasònn

Al problema, segond mi, e cureggium se scbaii … al problema …

Sctrinc perché semm dré a fa un romanz!

… sa fa paar di, l’é che te sai trövat dapertutt! Come i formighinn adèss … riescatt mia a mettai in fila … i scapann via …. Come l’argént viif …Inütil!

Ma sentumm un po’. Se vünn l’è fai insci l’ è mia parchè l’è pien da problemi Lü ? E alora, al cerca da bütai via sü i altri. Lü l’è mia bon da trovà na riscposcta ai sò. Ciapann vün che al mees da dicembro l’a tacca liit con la dona. Scia Natal, fèsct. Tal disi perchè vün da quiili mal trai inséma l’ò trovaa, la fin da l’ann, a da consili sül come fa e mia fa, con mi, tra i volontari dal Nez Rouge.

Vöratt di che l’è tüta na terapia. Che par loor l’è na cüra… aloora … ma daii!

… Cèrt na terapia “non dichiarata” ma na cüra!

Oh malarbèta d’una idea. Ti püsee ta do corda pusee te inventatt.

Inventi mia carinn. Ho faa I mè prööf. Guarda i paesann .. .

No, da agricultüra la prossima volta, e voialtri se sii mia d’acordi scrivii, anca voialtri fanaticc, sü dai…


Coma disat sempar

Credere e combattere

Ciao a riis e verz!