Mi somm chi a menà la cüna
Mè marì a l'oscteriia
Quescta si che l'è futüna
O tusànn da tò marì

Öcc bèll - sò fradèll
Ögìna bèla - sùa surèla
Piazza di frà - porta di frà
Campanèl da somà

Din, don, don
Tre tosann in sül balcòn
Vüna la foola, l'altra la taiia,
Vüna la fà i capèii de paja
Vüna la fà i capèii da fiuur
Riverissi sciur dutuur
Sciur dutuur dala medisìn
Quando al pissa al fà dotrìna
Quando al caga al sòna i urr
Riverissi sciur dutuur

Minìn minèll
Barba castèll
Barba milàn
Toca sü la man

Chesct chi l'è naa al marcaa
Chest chi l'ha compraa al pan
Chest chi l'ha portaa a ca
Chest chi l'ha faa la süpa
Chest chi l'ha maiiada tüta

Trota trota cavalìn
Và a Milàn a tö I bonbon
Và a Pavìa a tö la sctriia
Trota, trota, trota, vìa

Lènedi l'è nasuu al Pepìn
Martedi gh'hann dàii al laccìn
Mercoldì l'ha scominciaa a scta in pee
Giovedì l'ha töj miee
Venerdì al s'è malaa
Sabat l'è mort
Domenica gh'hann faa al corp

Se l'è in piazza l'è un co d'osws
Se l'è néghèr l'è un baloss
Se l'è ross l'è un ciocatee
Se l'è scmort un gran tripee
Se al coor l'è im lèchee
Se al và pian l'è un mort da famm
Se l'è grand l'è un perteghon
Se piscinìn un nanetìn
Coma sa fà a scta a Milan?
Se l'è grass l'è come un purscèll
Se l'è maghar l'è un üsèll
Se l'è un crapòn l'è un ascnòn
Sa al lassa pèrd l'è un caghòn

Mama Mama vègn a ca
Che l'è l'ura da discnà
L'è sonaada la campanèla
Gh'è sc'capaa la pulasctrèla

Mi gh'ho famm
Mangia al sc'càgn
Al sc'agn l'è düür
Mangia al müür
Al müür l'è fatt
Mangia al ratt
Al ratt al cuur
Mangia l'amuur

Oh mama mia gh'ho la toss
Fregat al naas cun un peveròn ross
Col peveròn ross m'al somm fregaa
E l'è tütt al di che al senti brüsaa

Enchete, pénchete, putìscna
Abele, fabele, domina
Ench, pench, puff, gnuff
Sctaus, heraus

Scgüra la tazza
Scgüratela ti
At, dagh un pügn
Via, via da li

Piööv, piööv
La galìn la fà l'ööv
Fiòca, fiòca
La galìna la fà l'oca

Domàn l'è fèscta
Mi che somm un povru fiöö
Cambia mia gnaca al camisöö

Trenta quaranta
La pegora la canta
La canta sül suree
Và e domada al pegoree
Al pegoree l'è nàii a Roma
Và e domanda ala padròna
La padròna l'è in giardìn
Và domanda al gioanìn
Al Gioanìn l'è in sctala
Và domanda ala cavàla
La cavàla l^è in sül técc
Tiràla giò par i urégg
I üregg jenn tücc malaa
Manderemala a l'oscpedaa
Gh'ha darann la medisìna
La murirà domàn matìna

In una pianta gh'è sü dudas ramm
Ogni rama la gh'ha trenta ramitt
Ogni ramett u gh'ha na föja
Ogni föja la gh'ha al ciaa e ul sc'cüür

Prima l'al scüscia
Pö l'al miira
Pö la ghall mètt in dal cüü
Pö la tiira

Ass da suura
Ass da sott
Assa da scià
Assa da là
Carna frégia in mèzz

Vüna la diis némm
L'altra la diis sctemm
L'altra la diis némm, nèmm
Che par tèra sa truvarémm

Gh'è na végia che gh'ha
Domà un dencc
Ma che la ciama
Tüta la gént

Sott al punt da ciff e ciaff
Gh'era sott margniff margnaff
Cuna la vèscta verdusìna
Gran dutuur chi l'indüvìna

Dundulìn che dundulaava
In mèzz ai gamb al gha pirlaava
Cun püsee gross chu vegneeva
Püsee ai donn gha piaseeva

Qual'è quèla roba
Cha l'è propi tùa
Ma i la dupeera
Püsee i altri che ti?